Di Stepan Bandera ben kon na grontapu na tapu na fosi fu yanuari 1909 na ini a dorpu Uhryniv Staryy (Westsei fu Ukraini) leki wan manboi fu wan Ukraini-Griki Lomsu kerki domri nanga na nen fu Andriy Bandera, san ben de na ondro na tiri fu tu Ukrainikontren. Na a Owstusei kontren fu den nanga den kontren fu Volhvnia, Kholm nanga Pidlyasha te nanga na kontren fu Rosiakondre, aladi na Westsei fu na kontren fu Galici Transkarpati nanga Bukovina na wan pisi fu na kondre fu Austro-Hongaria nanga na yepi fu Powlsukondre fu na tiri fu na kondre didi. Ala di na kondre ben prati, den Ukrainisma fu na fri fu den kondre nanga na fri fu libisma libimakandra tranga-ede na ini ala kontren.
Na «wan ten pe wantronso bun furu sma ben kisi wan tra libi na grontapu» ini na yari fu 1848 ben prati en srefi owktu go na Ukraini nanga den siri san a fasi disi ben sai na ini wan pisi fu na Ukraini libimakandra. Na ala den hey sma fu na kondre, sma na ini politik, bun koniman, pokuman nanga sma di e preki gadowortu. Na siri disi ben kon lepi na ini den hebi bruja jari di ben o kon baka dati na ini a fosi grontapu feti, pe Ukraini ben kon feni srefidensi san ben kon seti na ini Kyiv ini den yari (1917-1918) nanga na Westsei fu na Ukrainikontren san ben kon tron wan prenspari pisi dri mun baka dati fu na heri Ukrainikontren na ini November 1918. Den prenspari sani disi na ini na historia fu den Ukrainisma ben abi so wan bigi krakti na tapu a wiki fu na dipidipi na ini na lobi politiek sabi fu na kondre fu na tin yari owru Stepan Bandera so leki a ben skrifi ini na buku abra na libi fu en.
Ondro na tiri fu na Polikondre
Ma na prisiri fu den Ukrainisma nanga den srefidensi ben de fu wan syatu pisi ten. Ini na bigin fu na ten fu na yongu kondre disi den ben doro wan momenti pe den ben abi fu feti tru toko fu kibri den srefidensi. Den ben abi fu feti tru toko nanga den kondre so leki Rosiakondre, Polikondre, Rumeiniakondre nanga Tyekiakondre. Baka wan yari fu bun hebi feti nanga Polikondre, den Ukrainisrudati, di no ben abi nofo gon nanga tra feti sani ben abi fu hari baka abra na liba Zbruch pe den ben abi fu libi na Westsei fu na Ukrainikontren na baka gi den Polisma. Nanga na legre, na legre domri nanga den yepiman fu en fu na Westsei fu na Ukrainikontren, wan sma di de ini a presi fu na asamblei fu Westsei fu na Ukraini, Andriy Bandera, owktu gwe libi en kondre, so dati Stepan Bandera na tapu wan jongu libimarki na trutru sari sani fu de sondro libipresi baka di en famiri ben abi fu long gowe bifo den ogridu fu den Polisrudati.
Baka di den ben kisi primisi fu na Entente na tapu twenti na feifi yuni 1919, na Westsei fu Ukrainikondre ben kon de na ondro a tiri fu Polikondre, di nanga bun hogri kwinsi, tiri na kontren disi. Ini na ten fu yuni 1919 moro lek 250,000 fu den 3,5 miljun Ukrainisma ini Galicia ben teki poti na ini Poli straf’oso nanga strafuman-kampu leki srafuman, pe a numbru disi ben abi 1000 kerki tiriman di ben kon tapu. Na nyunsu koranti san ben tyari na nen fu ‘Robotnik’, skrifi wan pisi tapu tin-na siksi oktober 1919: “Na situwâsi ini Poli straf’oso nanga strafuman-kampu Modlin nanga Brest-Litovsk ben de wan tru bun bigi syen gi Polikondre…” Dusundusun srudati di den ben teki leki strafuman ini na orloku di den ben feti, ben kon dede makandra nanga borgru, bun nanga milyunmilyun Ukraini gudu hebi pori nanga fufuru ben teki presi, ala sortu moi Ukraini kulturu sani ben kon broko. Den ben suku fu kiri ala den Ukrainisma di ben libi na ini na presi Galicia. Disi ben de na situwâsi fu na bigin fu na Poli tiri ini den Westsei fu na Ukrainikontren. Baka wan yari na Owstusei fu Ukraini kisi wan moro hebi naki ondro wan grupu san ben konmopo fu Rosiakondre san ben kari den srefi Bolsjewistis revo ben kon teki na kondre abra.
Ma den Ukrainisma no ben saka densrefi na ondro den hebi kunu disi. Ini na mindri fu na owstusei fu Ukraini bun furu opo feti densrefi kontrari de Rosia. Rosiakondre ben abi bigi muiti fu wini na feti nanga den Ukraini fetiman. Ini na Westsei fu na Ukrainikontren, di ben teki baka na Poli-Rosia Kruderi fu Riga, san na Polikondre ben teki, na Ukraini Surdati Organisâsi san den ben kari UVO, wan spesruru heyhey Srudati fu na Ukraini Srudati Organisâsi san ben seti fu sutu hebi kanu ben kon seti. Na spesruru Ukraini Surdati Organisâsi san ben tenapu ondro na jaja koni srudati tiriman nanga politiekman Kolonel Evhen Konovalets, san seti ala sortu ondrogron kibri fasi feti. Na wan fasi fu man gi na opruru di den ben meki nanga gon fu feti den Poli tiriman, kiri, broko fu ala sani so leki moi oso nanga tra bigi gebow di den Polisma ben bow noso ben abi nanga na puru fu ala takru rai nanga leitori di den poli ben e panya, na orga di den e kari UVO ben abi wan prenspari fasi fu gi den Ukrainisma krakti ini den feti fu tiri densrefi tja na pisi pe Polkondre e hori den srefi na den skotu fu du sani na den ogri-ati fasi, boiti dati den ben du sani na den fa seni boskopu nanga warskow gi tra pisi fu grontapu fu sori tapu na wisiwasi fu tra sma nanga na lespiki gi na libi fu trawan ben sa tya bigi sari. Efu so wan bigi rampu pasa trutru, dan sma no ben sa frigiti dati.
Bika fu na dek’ati nanga den dyadya feti fu UVO meki furu yongu Ukraini wan ben kon lobi ma owktu gi na orga disi krakti fu di den ben firi den bigi saka den srefi nanga den hebi brokosaka fu den Ukrainisma. Den yongu studenti bigin opo kibrikibri wroko grupu nanga cel, san ben abi leki gronprakseri nanga den revo denki fu UVO san ben sreka sma fu tron tru fetiman gi na revo-prakseri di ben feti fu na fri fu Ukraini. Ma na a srefi ten, den grupu disi ben bigin abi na prakseri fu sreka sani na so wan fasi dati Ukrainisma ben kisi kraka fu seti na teki fesi gi den revoman ondrogron organisâsi fu bakaman fu feti na baka sikrit prakseri fu broko na tiri makti ini na kondre. Na sortu moi fasi fu gi yepi ben abi te make nanga na gi moni fu gebroiki fu horibaka gi na sikrit Ukraini bigi hey leriskoro na ini a foto Lviv gi studenti, a moni di sma e gi nanga den heri-ati e yepi fu meki Ukraini publikâsi, e taki fu den buku disi di sma fu dorosei kondre skrifi, di den Polisma gi a komando taki a no mag prati srefi. Den skotu fu den Polisma ini na banti di e meki sma kon makandra. Owktu na skotu fu na libi fasi fu den Polisma, nanga skotu a teri di lanti ben teri sma èn di ben tjari dyèns fu den teki prati na ini na politiekman èn srefi a teki di den e teki prati na verkiezing leki politik man, e tjari den kon na krin leki na fosi Poli Sejm noso na fosi Poliparlement.
Den yongu Bandera studenti
Stepan Bandera, wan studenti na ini na di fu fo skoroyari fu wan bigi leriskoro na ini na foto Stryy, owktu ben moksi ensrefi nanga dem difrenti yongu sma grupu di e wroko kibrikibri. Boiti taki a ben sreka en srefi skinfasi fu kon moro tranga na ini na Padvinder Orga nanga na Sokil Sport Organisati, na ini na sikrit fu leri furu leri abra den dipi bakagron sabi abra na sikrit nationalist grupu, san ben seti en heri libi go moro fara. Bika fu en tumusi spesrutu eksempre makti koni nanga talenti, en bun den sani di pasa na ini en libi, èn so srefi a sortu sma di a de, den eigifasi fu en, èn a fasi fa a ben tjari ensrefi a no fu di a ben musu du dati, ma fu di a ben abi a firi fu du dati, en tumusi bun eksenpre leki studenti ondro en kompe studenti brada nanga sisa di owru a srefi leki en.
Baka di a klari en skoro ini 1927, Stepan Bandera ben wani go na Czecho-Slovakia pe a ben wanigo stuka na a Ukraini College fu gebroiki den nyun wrokosani bun di sabidensi meki nanga Economia ini Podebrady, èn a ben wani go na den konmakandra fu den, fu kon sabi san den e leri sma, ma den Poli tiriman no ben wani gi en primisi fu go na wan tra kondre. A de wan spesrutu sani fu taki, dati na Poli tiri makti ini na Westsei Ukrainikontren sori no wan politik di e si sani langa na fesi no ben sori ini a pisi tori disi, te ju luku en bun na wan tori di ben sori na bigi gro fu na krakti fu na Ukraini politiek revo grupu di ben opo leki fesi na ini na organisâsi di ben o meki sma kon fri.
Na so fasi Stepan Bandera, sosrefi, ben hari en srefi na ini wan dorpu fu wan heri pisi ten pe en pa, di ini a pisi ten dati ben drai kon baka fu na owstusei fu Ukraini, pe dyaso a bigin teki prati na ini na kulturu nanga leri programa wroko. Ini 1928 a ben drai kon baka na Lviv pe a bigin teki leri tapu na oni hei Technik-skoro fu gebroiki den nyun wrokosani bun, na a kantoro fu teki koni ini prani nanga tra gron nanga kweki wroko. Ini na ten di a ben teki leri a ben a ben poti ala en ten nanga en krakti ini den revo du, san ben krakti en na ini na revo wroko moro nanga moro. Baka di a ben o tron wan memre fu UVO wan revo grupu ini na sem yari, a kon miti nanga wan tu fu en owru skoro ten mati nanga prenspari fesiman di e teki presi na ini na Ukraini grupu ini na feti fu kon fri organisâsi di ben o meki sma Lviv kon fri, di nen baka dati kon sabi ini difrenti tra kondre, so leki Stepan Okhrymovych, ini a ten dati ben de fesiman fu na spesrutu insei-afersi orga fu OUN, Ivan Gabrusevych (baka ten kon lasi na ini wan konsentrasi kanpu ini a presi Sachsenhausen), Stepan Lenkavskv, na disiten fesiman fu den grupu fu OUN na ini tra kondre, Jaroslaw Stetzko, di ben kon tron a fosi ministri-presidenti fu na prenspari Ukraini ‘tirimakti’ fu 1941 pe nownowde a kon tron na presidenti fu den kondre di bondru kon na wán fu feti na terrorisme fu na Bolsjewistis revo fu Rosiakondre (ABN), Roman Shukhevych, baka ten ben kon teki na komandu nanga na wroko leki fesiman fu na Ukrainilegre fu opruruman — UPA, ala sma kon sabi en morobun ondro na nen fu generaal komandanti Taras Chuprynka, Dmytro Hrytsay (Generaal komandanti Perebyynis), Bigi Prenspari srudati ini na legre fu na UPA, nanga difrenti tra sma san baka ten ben tron prenspari bigiman fu kondre. Makandra nanga den tra kompe-mati, Stepan Bandera ben sreka sani na wan bun fasi fu kan abi sreka fu seti na teki fesi gi den revoman ondrogron organisâsi fu bakaman fu feti na baka sikrit prakseri fu broko na tiri makti ini na kondre.
Na ini na organisasi fu den Ukraini Nationalist di wani tyari wan lusu kon nanga tranga
Na Ukrainisrudati orga ondro na tirimakti fu Kolonel Evhen Konovalets, san no tapu den fu ibri tron baka yere fu ogri-ati sani di sma e du fu dyèns na tirimakti na tapu na kontren fu Westsei Ukraini wan. Den sma di ben wroko kibrikibri, owktu ben kon feni pasi na ini na oostsei fu Ukraini, pe den ben seti fasi fu feti sikrit fasi fu broko na tiri makti ini na kondre, pe den seti difrenti sikrit feti grupu di owktu kisi bakaman na ondro den studenti fu hey komando srudati skoro fu Rosiakondre di den ben kari na Redi-legre ini na foto fu Kyiv. A marki fu a UVO ben de fu tyari alla sma na ini a Ukraini libimakandra di no abi den srefi reti fu man feti na srudati feti te na ten ben lepi. Ma na strokturu fu na UVO no ben bigi nofo fu ben seti den prenspari feti fu na strei fu den ipi-ipi sma. Den Ukraini jonguwan ben teki na eksempre fu den fosi bigisma di ben lobi den kondre tru tru, san ben bigin nanga na tiri di e tjari sani kon “Wan fu na fri fu Ukraini” na SVU, pe now den bigin nanga na “Spesrutu Grupu Fu Ukraini Yonguwan” san e tyari na nen fu SUM. Di den Rosia ben kon feni na ondrogron organisâsi den ben teki bun furu sma go sroto, den ben tyari den go na fesi krutu, èn den ben gi den hebi strafu pe den ben sutu den den heihei sma fu na Ukrainikondre kiri.
Na a srefi ten disi den difrenti sikriti nationalist grupu di wani tyari wan lusu kon nanga tranga nanga organisâsi ini Westsei Ukraini di de ini wan wroko makandra na ini 1929, na ini na a fosi kongres fu Ukraini di e feti fu fri hori na ini na foto na ini Wenen, a mamafoto fu Oostenrijk na ini Europa, pe na sikriti nationalist grupu di wani tyari wan lusu kon nanga tranga na organisâsi ben seti ini a ten na organisâsi nationalist grupu di wani tyari wan lusu kon nanga tranga gi den Ukraini, na OUN, pe den ben kon teki Kolonel Evhen Konovalets, te nanga na ten dati a ben de ambrabasi fu na UVO. Safri safri na UVO ben kon de wan pisi fu na srudati ondrogron organisâsi fu OUN. Na OUN ben plèi wan prenspari pisi na ini a gro nanga krakti di a gro kon tron den sma di ben opo na organisâsi fu OUN, suma nen ben de kari dya na loktu, ini spesrutu gi Stepan Bandera, di ben abi den moro bun prenspari nanga yoisti denki fu de wan tiriman san ben san sa kisi na okasi fu meki en koni nanga talent fu hen gro dorodoro kon volmaakti ini den yari 1928 te nanga 1933. Fu di a ben de tan na ala ten e miti nanga kolonel Konovalets, san ini na ten dati ben de na doroseikondre, Stepan Bandera ben man seti sani na fesi, sodati a ben man sabi finifini san a ben o du nanga na gro fu na seti fu na feti fu fri moro bun nanga den prenspari kompe wrokobrada fu en nanga na yoisti denki.
OUN ben bigin meki na organisâsi moro bigi nanga abi wan heri grupu nanga a kontru fu den di abi fu du nanga makandra nanga fu meki moro sma di sabi san abi eksempre bigi koni abra na du nanga feti nanga tiri fu den Ukrainikontren ondro na tiri fu den Polisma nanga na tra kondre; den kondre drape san ben miti nanga na Westsei fu Ukrainisma ben feni en tumusi prenspari fu sori taki den no ben lobi na kon ondro a tiri fu den Communist di nofotron ben de wan kefar. Fu man trutru e broko wi ede nanga a tamara fu a organisasi, den teki sosrefi ala den wroko di e du na a libimakandra fu kweki nanga tra gronwroko, san ben de moro prenspari fu den OUN kibriman nanga winiman fu feti fu kon fri. Gronprakseri fu gi den memre fu den leri, OUN kebroiki spesrutu prenspari politik training, owktu a leri srudati feti nanga ondrogrong feti fasi, komplot nanga ondrosuku èn so moro fara. Boiti na politiektori nanga feanti di ben kon feti nanga dati propaganda di de ben wani, den OUN memre owktu meki wan nyun fasi fu fa den e du den sani. OUN tapu en eigi srefi nanga tapu den kumando den Ukrainisma ben kan du sani di den wani nanga den skoro bigin opo densrefi. Dati meki wi abi a frantwortu fu “abi langa pasensi nanga ala sma” nanga na politik Krakti Di Dati Abi Tapu den Ukrainisma, tapu leki trutru fesi fu handri akruderi fu OUN, ben teki prati na a boycot (skotu) di a ben boycot den sani di na tirimakti abi a wawan reti fu ben abi taki na abra. Na marki di a bariwroko disi ben kon abi na taki a ben tyari wan bun bakapisi gi den Ukraini, pe Polikondre ben kon kisi bun bigi lasi na ini den moni afersi.
Na kakafutu fu OUN na ini Westsei fu Ukraini nanga fetisani
Boiti den tra revo wroko teige na ogri-ati Poli tirimakti di ben kwinsi Westsei fu Ukraini na wan ogri-ati fasi soso fu kisi wini gi densrefi, na OUN owktu bigin feti na wan tra fasi, na anti-Bolshevist feti na ini den Ukraini kontren. Ini na Westsei Ukrainikontren na OUN seti wan kakafutu nanga fetisani san e waka tu pasi, wan ben de teige na kommunist Partei fu Westsei Ukraini, na sortoe fasi falsi propaganda fu de USSR skowtu, so leki den diplomaat fu den Rosia Bolshevist feti na ini den Ukrainikontren nanga den Sovietophil san ben tru tru anbegy en lobi na nyun Soviet denki. Ini wan bun shatu ten na OUN, nanga na yepi fu bigi grupu sma, den ben man feti den difrenti Bolshevist Feti grupu na ini Ukraini. Na a ten fu a Di Fu Tu Grontapufeti den kontren disi ben kon tron wan feti presi fu na Ukraini revo tron tru tru fetiman gi na revo-prakseri di ben feti fu na fri fu Rossia Bolshevist tiri na ini na mindrisei fu a Ukrainikondre nanga na Oostsei fu na Ukraini kontren.
Nanga jepi fu gi den ogri-ati sani di sma na ini den foto e du nanga Soviet diplomat (so leki na a barinen feti di den kon feti nanga Maylov ini na Soviet consulaat fu Lviv) nanga den moro prenspari communist sma di ben e horibaka gi den, na OUN sori na bondru fu na Ukraini feti fu kon fri fu na makti disi nanga na loyaal lobi èn a getrowfasi, wanfasi, nanga loyaalfasi fu na Westsei Ukraini nanga na anti-Bolshevist feti ini na mindri nanga Oostsei fu na Ukraini kontren. Na a srefi ten, ala sma man si a reti fasi fa wi e tyari wisrefi, a de fu di den sani disi di lanti du, na soso fu du wan sani na den bakapisi nomo di Moscow ben meki fu tya hangry nanga pina fu dwengi den Ukraini di e wroko gron fu teki na systema fu den Rosiasma abra fu na kon fu bondru nanga massaproduktie. Moro leki siksi miljun Ukrainisma dede fu angri ini na angriten di Rosiasma ben meki. Na a ten fu di a ben abi fu go na krutu ini Warsaw ini 1936, Stepan Bandera ben puru a wortu kon na krin leki «no e luku so fini, fu wan eigifasi fu no e luku so fini, safufasi, safri-ati, pasensi» fu na anti-Bolshevist feti san na OUN ben feti pe a taki: «Wi e kakafutu leki féjanti fu den kommunistsma na ala fasi di wi abi fu feti, wi e sorgu taki den tori di wi abi e panya nanga ala barbari èn fa fu meki a libi abi moro waarde nanga ini tranga ogridu pe wi e kobroiki wapen fu dyèns den kommunist tirimakti èn fu kiri ipi-ipi sma fu di den kommunistsma e feti nanga na Ukraini nationalisme na tumusi ogri-ati fasi, fu san noiti ju ben sa jere ete ogri-ati fasi èn den ben du den ogri nomonomo, san de sma, e du ogri leki e kiri hipi hipi sma, fayafaya ogridu fu terorist di e kiri hipi hipi sma spesrutu na ini Cheka nanga na GPU strafoso meki wan angriten kon fu espresi, fu meki na so fasi wan feanti gi ensrefi abra na den noso seni den go na Siberikondre meki bun hebi kowru nak den drape. Nanga jepi fu a Bolshevism systema, Moscow ben pori den Ukrainifoto nanga den Ukrainisma di ben libi na ini».
Na ini na yari 1933 den ben poti Stepan Bandera leki fesiman fu na makti organisâsi di e wroko ondro a tiri fu OUN ini Ukraini. A ben de na ini na ten disi taki na OUN ben kon doro na heimarki fu en makti. Tapu 30 December, 1933 na ini na Pôlsutongo tijdschrift ‘Bunt Młodych’ skrifi wan pisi tori san nen “Na a di fu erfu yuru”, san e taki den sani di e kon now abra na OUN:
« … Na kibritori fu a OUN de, na a organisâsi fu Ukraini di ben e gi a pipel deki-ati fu opo densrefi teige a tirimakti – san de moro trnga tide moro ala den Ukraini sani di na a yoisti waka makandra. A e tiri den yonguwan fajafaja, a e tiri den organisâsi di e sorgu fu seti fa furu sma na grontapu musu denki, disi na a doronomo politiek feti ede fajafaja de aktief fu tya bigi grupu sma kon na ini na strei fu na revo………. A de krinkrin taki ten no de na wi sei. Ini wan Starosta (wan Poli distrikti officier) na ini pikin Polikondre (Galicia) nanga Volhynia a ben e taki fu ala den dorpu pe te nanga wan shatu ten di psa ma den no ben o sidon e wakti nomo. Na a feanti san ben e kon moro tranga ala dey, pe a Polikondre ben kon moro nanga moro swaki».
A Polikondre ben e plèi wan plèi san den ben lasi moro nanga moro ala di den ben tumusi ogri-ati fasi kwinsi na libimakandra na wan fasi san ben sorgu taki den ben abi feti nanga na Ukraini ondrogron. Tra Ukraini, owktu, den san no ben de memre fu a OUN ben kisi bun hebi strafu fu 8 kon miti 12 yari fu den Poli krutu-oso efu den ben feni ini wan dangra kruktu buku na a sma dati. Ma ala den sani disi di lanti du, den no ben man broko den Ukraini yonguwan fu teki prati na ini na feti fu kon fri. Fu man sorgu taki a tiri fu den Poli di ben teki a Westsei Ukrainikontren abra ben kon tapu. Na OUN ben du bun hebi ogri pe den ben sutu den Polisma panya nanga sutu faya gi den oso den burugron nanga den maksin fu den siri-njanjan. A strafu di den Poli tiriman ben tjari kon na tru tru tumusi ogri-ati fasi kwinsi na a libimakandra, san ben kon tyari na nan fu «pacificatie», teige den Ukraini buru.
Na tumusi ogri-ati fasi fa den Polisrudati nanga skowtu ben kwinsi na libimakandra, san ben kisi ala grontapu koranti. Na koranti ‘Manchester Guardian’ fu 22 November 1935, ben skrifi finifini tori abra den ‘pacificatie’, besroyti, nanga abra na Pieracki, san ondro na Skladkowski tiri na ini (1930) ben de na skowtu edeman sang ben de frantwortu fu den ogridu sani disi, di bakadati kon tron minister fu insei afersi. Na srefi koranti disi ben kon sori na tapu na tumusi kefalek moi eigifasi pe sma fu no e du noti, te ogri-ati loyaalfasi gi sma deki-ati fu opo densrefi teige Polilanti den panya nanga sutu faya gi den oso nanga den burugron. Leki wan fasi fu paiman fu strafu, fu du wan sani baka wan grupu fu na Polilegre nanga skowtu ben du ogri-ati sani nanga gon èn nanga tranga pe den ben bron Ukraini dorpu. Owktu den ben kon hori buru nanga tra gronman en ben priti den skin. Na koranti ‘Manchester Guardian’ ben skrifi taki den du disi, den Poli ben du kibrikibri fasi ma no wan degedege no ben kan de taki den ogri-ati du disi ben de den moro hebi kwinsi ini na historia fu na grontapu nanga en hey kulturu. Na ini asrefi koranti di wi ben kari na artikel nanga ogri-ati lei ben kon na doro fu taki dati den no abi na yoisti nyunsu abra omeni gronman nanga buru ben kisi fonfon nanga priti … skin ma toku ben e denki taki so wan 10,000 di alamala ben de soifri èn sondro fowtu. Leki wan bakapisi fu na dyèns, fonfon nanga priti skin di sma ben kisi, furu buru nanga gron-wrokoman ben kon siki meki bun hebi pe furu ben kon dede fu den mankeri di den ben kisi.
Tapu 3 December 1935, na srefi koranti ben skrifi taki Minister Pieracki ben de frantwortu fu na ‘pacificatie’ (‘e meki vréde’) san ben hori na ini na Oostsei fu Galicia ini 1930, ma taki owktu a ben de frantwortu gi ‘pacificatie’ (‘e meki vréde’) ini na kontren fu Lisko in 1931 nanga fu ogri-ati du ini Volhynia nanga Polissia ini 1932, abra sang den Poli koranti noiti skrifi wan wortu. Na nyunsu koranti skrifi taki na ini en publikitaki a ben proberi fu kibri den takrudu, fu san en nanga en regering ben de frantwortu gi grontapu.
Fu opo densrefi teige den hebi kwinsi, Stepan Bandera tyari wan legre fu en kon na wán fu feti nanga den ma owktu fu teki na libi fu na minister fu insei afersi san nen Pieracki. Ala sani waka bun. Wan man san den ben kari Matseyko, wan menbre fu na OUN, ben kon kiri na minister pe baka dati a lowe go na dorosei kondre. Poliskowtu fu dati ede kon hori wan lo Ukrainisma di den ben ondrsuku na tori disi pe den kon feni na edekantoro fu na legre kampu fu OUN ini na kontren fu Westsei Ukraini. Ini 1934 den ben kon hori Stepan Bandera pe ini na bigin fu 1936 ini a foto Warsaw, den ben kon krutu dati a ben mu dede. Bika den ben hori en frantwortu gi ala den du fu den orga UVO nanga OUN; na dedestrafu, bakaten ben dray kon tapu wan tra strafu, namku taki a ben musu tan en heri libi langa na ini strafu-oso. Ma bakaten ini na srefi yari den kenki a strafu ete wan leisi, namku taki a ben musu tan en heri libi langa owktu na ini strafu-oso ini Lviv.
Den Ukrainisma nanga na OUN ben kisi wan tu bun hebi naki ini den yari baka dati. Na fisiman fu na heri OUN na ini Ukraini ben konsroto na ini na moro hebi strafu-oso fu Polikondre pe a ben sroto bun èn den waktiman ben e tanapu na fesi den doro, a heri pisi ten dati den ben sroto en wawan na ini wan strafu-oso kamra a no ben abi demakandra nanga tra brada fu dorosei. Ini 1938 den ben kon kiri a man di ben bigin nanga na OUN, Kolonel Evhen Konovalets nanga wan Bolshevist fetisani. A ben sa kan gi son sma deki-ati fu denki taki na politiek revo grupu di ben opo kon no ben si fu san na grupu ben kon broko saka bika den furu fu den den Poli skowtu grabu furu fu den brada nanga sisa, so dati na grupu disi ben kon tapu fu abi wan bestan, noso fu na ten di e kon no be sa man du den sani di den wani fu du. Ma heri esi a kon de so taki a buweigi ben abi bun dipi nanga en rutu ini den ati fu den Ukrainisma meki a kon de so taki na oni wan fasi fa den ben man seti disi ben wani taki dati den ben sa figi puru a nâsi fu den Ukrainisma na pasi krinkrin. Ala di den sani disi e pasa ala memre fu a Tirimakti fu na OUN ben kon sroto, toku nofo tra tiriman fu na OUN ben de klari klari fu gi yesi fu na komando, fu bigin feti na feti fu tan feti èn fu tan horidoro langalanga te na a kaba. Te wi e luku fa sani waka a ben de tumusi krin taki na kondre fu Tyeko-Slowâkia, san ben de wan bedrigi sortu kondre di sma ben meki na ini na foto fu Versailles èn pe furu buweisi e sori go na wan pori historia, ondro na kwinsi fu Doisrikondre di prati na ini pisi leki fa a ben de keba di Carpatho-Ukraini bigin e tiri densrefi. Den Ukrainisma tan feti go doro na kibrifasi, ondro na tiri fu OUN, den kon feni moro sani di den man du na dyèns lanti wan moro koni fasi.
Kontrari leki a prakseri di Hitler ben abi, Carpatho-Ukraine no ben beni gi na hebi kwinsi fu den Doisri pe den wégri fu saka densrefi nanga sakafasi a ondro na proces fu den Hongaria srudati sondro fu feti. A feti ben feti na tu presi, funamku den Hongari nanga den Polisma, na tapu tin-na-feifi March 1939 Carpatho-Ukraini ben teki den srefidensi. Na presi fu na strei fu den srudati di teki fesi ini na feti fu fri fu Carpatho-Ukraine OUN soso memre fu ala kontren fu Ukraini ben de.
Di na Doisri-Poli toko bigin wan tu mun baka dati disi tya bun bigi kenki gi de sma fu Ukraini. Den Rosia ben kon teki a Volhynia, Polissia nanga Galicia kondre abra, pe na kon tern fu Kholm nanga Pidlyasha ben kon fadon ondro na Doisri tirimakti san den ben kari General-Gouvernement (Lanti fu na heri Kontren). Nanga na kenki fu na politik kondisi, a fasi fa den Ukraini ben feti fo den kon fri ben kon kenki. Baka ten na OUN kisi bun furu memre di wan lo fu den memre ben kon lusu fu a kari fu Poli strafoso nanga fu den spesrutu srafu kampu ini Bereza Kartuzka. Bika na legre fu OUN bigin seti tranga feti grupu baka, san teki na wroko abra fu hori ay na tapu den Ukrainisma ma owktu kon seti presi pe den ben kibri fetisani fu abi novo fetisani te den ben musu feti den Bolshevist fu Rosiakondre. Ini a tori fu Doisrikondre na OUN ben teki wan Fasi fu no feti den so hebi moro. A ben de bribi tru tru taki wan ten sa kon taki wan kesekese sa kon a mindri nazi-Doisrikondre nanga na bolsjewisti fu Rosiakondre. Na OUN ben si taki disi ben de a tyans taki so wan toko sa man tya na fri srefidensi Ukrainikondre kon baka. Den Ukraini nationalist di ben kisi a warskow na fesi na ini natoko nanga Hitler ini a feti fu Carpatho-Ukraini fu hori densrefi bika den no ben ma bribi den pramisi di ben meki.
Stepan Banderatron edeman fu na Orga fu Ukraini Nationalist
Baka di Stepan Bandera ben kon fri fu wan Polistrafoso a si wan okasi fu go na a foto Lviv, pe makandra nanga memre fu na spesrutu Home Executive komte fu na OUN nanga tra prenspari edeman, a ben seti nyun sani gi a ten di e kon fu na OUN na ini na Ukraini kontren. Boiti dati, sani ben seti so taki fu meki na organisâsi ‘na furu presi’ fu na OUN na ini a heri Ukrainikontren ondro na Rosia tirimakti, fu seti ala prenspari sani di de fanowdu fu feti na revo feti efu wam toko ben sa kon broko, nanga fu sorgu taki den seti ala fetisani fu de klarklari efu den nationalist sa bigin wan feti na ini na Westsei fu na Ukrainikontren san a Rosia tirimakti ben kon seti. Stepan Bandera ben wani fu tan libi ini Westsei fu Ukraini so dati a ben sa man teki prati na ini na bigi wroko fu den sani di den ben wani seti na ini a kontren. Ma bika fu na spesrutu tiri makti fu na OUN nanga na ray fu na tiri makti fu OUN na abra watra na ini na yari 1939 a ben abi fu go na a doroseikondre fu Cracow. Fu dya a go na Italikondre fu miti nanga den bigi edeman fu na OUN. Baka di Colonel E. Konovalets kon dede, Kolonel Andriy Melnyk ben teki fesi ini na wroko disi ini OUN. Wan tu difrenti dyugudyugu nanga kesekese ben kon de mindri wan tu prenspari memre fu a OUN tirimakti nanga memre fu na spesrutu Home Executive komte fu a OUN tirimakti ini Ukraini di ben abi fu du nanga prenspari pisi aksi abra na feti fu kon fri nanga insei problema
Ini 1941 na di fu tu kongres fu den Ukraini Nationalist, teki Stepan Bandera leki nyun edeman fu a heri OUN. Den revoman fu OUN ondro na tiri fu Stepan Bandera ben teki na feti fu fri ala Ukrainisma nanga na heri Ukrainikondre na tapu densrefi. Èn te fu kaba ini na a kongres den ben teki wan resolutie di ben seti taki OUN bo tan feti fu fri ala Ukrainisma nanga na heri Ukrainikondre nanga ala makti di den abi winsi sortu officieel nen ofu politiek kenki prakseri abra na kontren den abi. Na OUN bigin fu seti wan sistema fu orga ini ala Ukrainikontren di Rosiakondre ben teki: di na bigi feti fu Doisri nanga Rosia ben bigin den den ben abi moro leki 20,000 bun fetiman di ben abi bun sabi fu feti ini toko leki srudati ma owktu ben abi bun koni fu sabi fu san ede den e feti. Di a situwâsi sori fu de moro bun gi den Ukrainikontren san ben de ini anu fu na ‘Granlanti’, fu di na OUN ben abi furu fu du nanga na seti fu feti di efu den ben sa abi fu feti. Ma na ini wan bun shatu ten di den ben kisi spesrutu skoro na ini OUN leki srudati gi memre fu na OUN nanga, boiti dati, sma di abi wan tra bribi èn gi sma di abi tra politiek denki buku ben meki gi den spesrutu grupu srudati di ben de klarklari fu go na feti, fa den musu waka moi srudati waka. Ala den memre fu na OUN ini na ‘Granlanti’ (sowan 6,000) ben kisi a komando fu hari go ini dri aparti grupu go na tapu na Ukrainikontren te na baka a Presi di e kari San nanga Bug wantron wantron baka di na Doisri -Rosia toko bigin pe den ben musu sreka sani di revo-grupu e du fu seti na fri pe den e sorgu taki na fri fu Ukrainisma hori dordoro.
Te a abi fu du nanga feti, OUN ben seti sani fu te den puru den srefi ini na anu fu den Rosiasma di ben kwinsi den, den musu abi wan fri Ukrainikondre ini na Ukrainikontren. Fu disi ede na Ukraini National komte, san de leki wan nanga den prenspari fesiman di e teki presi gi na nâsi fu na Ukraini politik nanga kulturu libi san ben seti na ini Cracow na ini 1941shatu baka di na bigi feti bigin pe OUN ben teki fesi. A be de na frantwortu fu na komte san ben teki na tiri fu prenspari pisi ini na aladey libi ini na Ukrainikondre.
Disi ben sorgu taki na OUN ben de fayfaya fu sorgu taki den ben hori densrefi na den sem hey gronprakseri fu demokrasia te den opo na Ukrainikondre baka na hey gronprakseri pe den e pruberi fu hori den reti fu ala libisma hey. Wan tu dey bifo na toko bigin srudati nanga bung hebi fetisani ben bigin hari go na den spesrutu markitiki na ini Ukrainikondre. Na ondro bigi muilekheid (wan lo fu den srudati di ben feti na feti san den doisri surdati ben teki, ben fadon ini anu fu na bun hogri srudati orga fu den doisri di den e kari den Gestapo) den si tjans fu doro ini Ukrainikondre te na den presi di den e kari Don nanga Crimea. Ondro den den srudati di ben go na feti bun furu edemang fu na OUN ben teki prati. Tapu na srefi momenti, na Ukrainilegre, pe wan lo sma di ben de fu yepi ini den egi ten, ondro na tiri fu na fesiman Roman Shukhevych, owktu pusu go na Ukrainikondre. Di den Ukrainisrudati ben kon doro na ini Lviv, pe na Bolshevist NKVD ben libi bun hebi marki na baka fu den hogri-ati di den du fu ini den kwinsi tiri, na seti kon bun baka fu na fri Ukrainikondre ben seti na tapu 30 Juni 1941 pe den ben kon set wan sortu fu tirimakti. Den sma di ben teki presi ben de sma nanga difrenti politik bakagron di ben abi leki edeman Jaroslaw Stetzko, wan prenspari edeman fu na OUN. Wan fruklari di ben seti taki Ukrainikondre be go seti kon bun baka ben de wan sani di ben meki na heri kondre breti nanga prisiri; Boiti dati, den tu moro hey Ukraini Orthodox nanga Ukraini lomsu kerki, Bischop Polikarp nanga Metropolit graman Andreas Sheptytsky, gi na na meki fu fruklari bekènti di ben taki dati Ukraini ben kon fri den blessi.
Ma na srefidensi politik fu na OUN nanga na meki bekènti fu na srefidensi ben dyens den sani di Hitler ben wani du nanga Ukrainikondre. Disi ben meki taki wan lo Ukrainisma ben hori poti na strafu. Fu bigin nanga spesrutu grupu fu Doisri edeman di ben lobi na prakseri fu na srefidensi fu Ukrainikondre, san ben kan tron wan bun kompe fu den. Den no ben man kwetkweti kenki den kruktu politik bribi fu Hitler. Gestapo na hogri bita ati orga na ini na Doisri legre, ben de na fosi wan di ben kon hori Stepan Bandera, ma di a ben weigri fu lei taki a no abi no wan sani fu du nanga na fri nanga na meki bekènti fu na srefidensi fu Ukrainikondre, den ben kon hori en wantonwantron so. Den Gestapo na hogri bita ati orga na ini na Doisri legre tyari en go poti na ini wan strafu-oso na ini Berlijn, pe bakaten den seni en go na ini wan Nazi strafuman-kampu san ben nen Sachsenhausen. Ini Lviv den Gestapo hori Jaroslaw Stetzko nanga difrenti tra memre fu na lanti fu di den no ben wani gowe libi a organisasi nanga fu drai a fri nanga na meki bekènti fu na srefidensi fu Ukrainikondre baka. Tapu tin-na-feifi september 1941, na Gestapo hori 2000 Ukraini nationalist ini Ukraini, san ben na wan fasi ben wroko noso du sani fu tyari na fri fu na Ukrainikondre. Na Tiriman ini a ten disi fu den OUN grupu di de na doroseikondre, Stepan Lenkavsky, nanga hondrohondro memre fu na OUN (nanga tu brada fu Bandera) den seni den go na ini wan Nazi strafuman-kampu san ben nen Auschwitz, noso poti na strafu, trawan den sutu kiri. Den kiri den tu brada fu Bandera ini na Nazi strafuman-kampu san ben nen Auschwitz en swagri den kwinsi na ogri-ati fasi te den kiri en na ini a strafoso fu Lviv.
Na Ukraini pisi fu na legre ondro komando fu Roman Shukhevych kakafutu abra den ogri-ati kwinsi fu den Gestaposma. Fu dati ede den ben puru den fu na fetipresi kon baka na presi pe den ben go na feti. Den hori den na strafu makandra nanga difrenti hey hey ofisiri fu den fetigrupu. Masra Roman Shukhevych nanga furu fu en feti kompe, ma den ben si fasi fu lowe gowe fosi ogri ben sa man miti den sodati den ben si tyans fu go kibri ini na ondrogron organisasi. Èn ete wan leisi a ben luku leki den Ukrainisma, den no ben man go nowan sei.
Den ben fasi na mindri tu hei klepston nanga wan bigi se di den no ben man abra, pe den ben abi fu gi den srefi abra na bribi nanga na yepi fu na ogri-ati fetigrupu Gestapo, na graman fu Hitler ini na ‘Reichs Commissariat of Ukraine’, nanga na nen fu Erich Koch, bigin tya tra sma fu go libi na ini den kontren en den ben kisi den Ukrainisma seni go na Doisri kondre pe den ben dwengi den fu go du hatleba wroko. Furu fu den brada nanga sisa den ben grabu pe fu sma ben de nanga hebi hangri.
Den memre fu den fetigrupu fu OUN ben abi fu go feti ondrogron baka. Den ben abi prenspari sani di den ben sreka finifini fu a revofeti fu fri be sa seti nanga fa den wan prenspari marki fu kibri densrefi. Na ini wan syatu pisi ten den bigin nanga fasi fu feti baka.
Na a keba fu 1941nanga na bigin fu 1942 na bigin fu na fosi lin fu na fetigrupu ben seti pe ten na ten den seti ala sani pe den kon tron wan tru tru dyadya legre di ben sabi fu feti trutru. Roman Shukhevych, san den ben kon sabi moro betre leki Legre-edeman Taras Chuprynka, san tron na bigi komando man fu na Ukraini Fetigrupu (UPA). Te fu kaba, a pikin legre ben kon abi 200,000 srudati nanga bun feti-sani san ben hori bun bigi pisi fu na Ukrainikontren. Den Ukrainisma ben horibaka gi na UPA organisâsi nanga den heri ati, san ben si den leki den di ben e kibri en pipel, ben sori krin taki a ben feti den Nazi terrorist ma owktu den ben gi den brada nanga sisa disi a dyaranti taki Bolshevist partisan grupu no du den ogri na ini a ten di ben o kon. Ini 1943 wan kibrikibri konmakandra ben e hori nanga sma di ben teki presi gi den sma san ben ben de na ondro na kwinsi fu den Doisri nanga de Rosiasma na ini Ukrainikondre. Na kibrikibri konmakandra disi ben poti na fundamentigi na Anti-Bolsheviki fu kondre (ABN). Baka wan yari (1944) na moro hey Ukraini feti fu fri makti, UHVR, na revo lantimakti fu, Ukraini, ben seti. Furu fu den tiriman ben de prenspari sma di e teki presi gi na nâsi fu difrenti politik grupu di ben pley wan prenspari pisi na ini na feti fu fri.
Na a kaba fu 1944, di a ben de krin taki de Doisri ben sa lusu na bigi grontapufeti, na Gestapo kon lusu Stepan Bandera, Jaroslaw Stetzko, Stepan Lenkavsky nanga wan lo tra memre fu na OUN di ben de na ini strafukampu. Ini na tumusi muilek situwâsi den Doisri politikman suku nomonomo fu meki fotu bun di den ben meki na ini na bigin fu na bigi grontapufeti. Den du muiti fu meki den Ukraini nationalist bribi ini wan wrokomakandra nanga den Doisri. Ma ala fa na OUN no go na ini na fromu tyori fu den Doisri nanga den pramisi di den ben meki, dan makandra nanga na UPA, den go doro nanga feti teige den tiriman fu a Bolshevist Rosia.
Nanga na yepi fu mati, den memre fu na OUNsan ben kon fri fu na Gestapo “yepi fu sorgu taki noti no psa nanga Ukrainisma” pe den sorgu taki den ogri-ati man fu Gestapo go na a Westsei fu go wakti te a bigi grontapufeti keba.
Na Strei fu Puru den Rosiasma na ini den kondre
Gi Ukraini, san ben de ondro na titi fu den Bolshevist tiri baka, a feti, te fu keba no keba nanga na gi di den Doisri ben gi densrefi abra. Den Ukrainisma nanga den UPA srudati tan feti den feti go doro, san de wan kontru di no abi en speri ete, ini na stré fu den tegen den ‘kwinsiman’. Sondro kompe, sondro prenspari fasi fu yepi ini na feti nanga sondro yepi fu tra kondre na grontapu, den Ukraini fetiman nanga srudati tan feti na feti di den ben e feti nanga (te nanga 1952) wan prenspari makti afu fu Europa nanga Asia. Wan kefalek bigi nomru nanga san a feti ben teki presi moro leki iniwan tra ten di a feti ben feni presi sa man ben si taki fosi 1947 nanga tranga Rosiakondre ben abi fu meki wan frubontu nanga Polikondre nanga Czecho-Slovakikondre sani ben seti fu makandra ben feti na UPA. Na ini a heri pisi ten fu na bita-ati feti, na OUN nanga na UPA ben teki bun hebi lasi. Srefi baka na barinen dede fu na hey srudati edeman fu na UPA, Roman Shukhevych, na tapu 5 maart 1950, den Ukrainisma nanga na UPA tan feti na feti fu kon fri go doro. Na UPA e meki wi frustan fu san ede a de prenspari taki den musu fu kenki den fasi fu fa den e feti na feti nanga taki den feni fasi fu feti na feti ondrogron fasi prefu feti fesi na fesi nanga den feyanti.
Leki wan bakapisi fu di den Rosiasma ben hori na tiri fu den Ukrainisma, bun furu Ukrainisma awinsi den gudu noso pôti, awinsi sortu kloru den skin de, èn awinsi na ini sortu kontren den e libi ben dwengi go na ini katibofu libi den kondre fu go na farawe presi. Go na ini katibo na doroseikondre den kon miti baka nanga furu memre fu na OUN, san ben kon lusu fu den strafukampu. Ondro na tiri fu Stepan Bandera, den bondru kon na wan fu meki wan grupu na doroseikondre fu na OUN (Z. Ch. OUN). Na prenspari wroko fu den bondru doroseikondre grupu fu na OUN tron na prenspari krakti fu na feti fu na Ukrainikondre. Den bondru kon na wan na doroseikondre fu meki wan organisati ben gro kon moro bigi fu ben man wroko na ini ala kondre na a heri fri grontapu pe den katibo Ukrainisma ben go libi. Den ben teki alafasi fu hori kontakti nanga den edeman fu na OUN nanga na UPA pe den bigin sreka sani ini Ukraini fu kraka na ondrogron wroko ini Ukraini.
Baka wan pisi ten den doroseikondre organisasi fu na OUN bigin fruteri pe den tya sani fu na feti fu fri kon na krin gi sma fu na dorose grontapu abra na feti nanga na kevar fu na Bolshevist Rosia gi na heri fri grontapu. Den doroseikondre organisasi fu na OUN teki fesi ini na strei fu a kontrari Bolshevik grupu fu heri grontapu ben go doro nanga den wroko, pe 16 sma fu na Oostsei fu Europa nanga Asia, san ben de ondro na kwinsi fu Moskow, nanga na mati fasi nanga Ukraini, bodru den srefi fu tron memre. Jaroslaw Stetzko, na owru ambrabasi minister presidenti fu na tirimakti fu 1941 fu Ukraini fu bifo, ben tron na nyun presidenti di den sma fu na Prenspari Komte fu na ABN ben kisi. Ini tin-na-feifi yari muiti di a de du nanga sakafasi èn sondro fu weri a kon feni bun furu nyun kompe, mati nanga sma di e horibaka gi na buwegi fu meki Ukraini fri.
Den Ukrainisma di no ben go na ini katibo nanga den wan di froisi go na doroseikondre, na OUN poti moro krakti na tapu na kontrari Rosiakondre nanga na kontrari Bolshevist grupu, fu meki den sani di den feyanti e du kon na krin pe den kwinsi den kontrari kevarlek grupu di no lobi na kondre puru. Awansi o tranga furu kesekese na sociaal sei nanga na politiek sei ben de mindri den Ukrainisma na doroseikondre, difrenti grupu ben horibaka gi OUN meki den ben yepi na wan prenspari fasi ben yepi ini na fri fu Ukrainisma na ososei. A buweisi fu a kraka fu na a moni di ben piki tyari kon na wan gi na feti fu fri, san gi na OUN na okasi fu feti den feti fu kon fri sondro na yepi fu den doroseimakti ini den tin-na-seibi yari di den ben feti.
Na fayafaya wroko fu na OUN mindri den sma di ben go na doroseikondre ini katibo ini a heri kondre nanga na nen fu Stepan Bandera, san ben tron a simbôl fu na ini a feti fu kon fri. Te fu keba Moscow ben kon si den leki wan bigi dangra di ben tyari bigi problema kon na ini a libimakandra. Boiti den ogri-ati tiriman di ben kwinsi den Ukrainisma, Moscow du ala sani ini tin-na-feifi yari fu pori na nen fu Stepan Bandera, fu di en ben de na takiman nanga na bigi fesiman ini na feti fu na fri nanga na srefidensi ini na heri kondre. A ben de a tru simbol fu na feti fu fri fu Ukrainikondre. Fu San te na Sakhalin nanga Kamchatka ala sma ben sabi san e psa, ini na Redi legre nanga den milyunmilyun srafuman ini den Rosia srafuman kampu. Ini ordru fu na gran komte fu na komunist partij fu na Soviet Uni na KGB (na komte fu kibri a tiri wroko bun) proberi fu du ala sani fu broko Stepan Bandera saka, den meki en feyanti nombru wan fu ala sma ini na kondre. Na ala sortu fasi na NKVD, san baka dati ben kon nen MVD, dati de so taki KGB, bun langa ten du ala muiti fu kiri Stepan Bandera, san ben libi na ini Doisrikondre na ini na foto Munchen, pe a ben tyari na nen fu Popel, te den ogri-ati KGBsma feni na okasi ini na yari tin-na-feifi Oktober 1959, fu kiri en.
Ala de den Moscow du na ogri-ati kiri disi, den no ben man broko na feti fu den Ukrainisma fu kon fri. Stepan Bandera ben tron na moro prenspari popi simbol fu na heri fu Ukrainikondre, nanga na moro dek’ati man gi den Ukrainisma. Moro fara, na sabi nanga na bigi nen di a dede gowe libi na baka de prenspari gi ala libisma na grontapu, Stepan Bandera ben abi bigi lespeki gi ala kondre nanga ala kulturu, a ben feti gi wan moro betre dey fu tamara gi ala libisma na grontapu, den leri san a ben gi musu de wan kandra gi heri grontapu. San wi kan taki fu a gudu fu Stepan Bandera na a prenspari pisi fu na krakti fu den Ukrainisma nanga na wani fu feti den Rosia fu na broko kon na ini den kondre fu teki en abra. Na fu dati Rosiakondre e du ala sani fu pori na nen fu den. Na moro hati pis ini na pori nen nanga na blaka fu na Ukraini feti fu kon fri ben de Stepan Bandera, sang i furu fu en kandreman bede na bigiman san ben tyari na fraga fu na kondre nanga na simbol fu na feti fu kon fri gi na Ukrainikondre. Bandera nanga den fetimati fu en ben tya nen taki den na ‘fascist’, ‘Hitler man’, ‘redimusu’, ‘nazis’, so moro. Boiti dati, leki Hetman Ivan Mazepa noso Symon Petliura, Bandera ben tron wan pisi fu na politik hystoria- a simbol fu san ala sma ben si en leki na bigi man san du ala sani fu na fri fu na kondre. Ma ala den hogri didibri du no sa de nofo nanga fu soso, bika den no man kiri na kandra san a faya fu a leri fu Stepan Bandera e tya.